Dy persona janë raportuar të zhdukur në Prishtinë e Deçan.
Sipas raportit të Policisë, në Prishtinë, babai ka raportuar se djali i tij ka dalë nga shtëpia më 28 gusht dhe nuk është kthyer më. Ka shtuar se nuk di asgjë për vendndodhjen e tij. Lidhur me rastin është informuar edhe prokurori, ndërsa njësitet policore janë duke hetuar rastin.
Ndërkaq në Carrabreg të Deçanit, po ashtu babai ka raportuar se djali i tij i mitur ka dalë nga shtëpia dhe nuk është kthyer. Sipas tij, ai ka probleme shëndetësore. Lidhur me rastin është informuar edhe prokurori, ndërsa njësitet policore janë duke hetuar rastin.