Një punonjës i një poste të shpejtë në Malishevë ka pranuar se ka bërë lajmërim të rremë në Polici kur kishte pretenduar se dy persona të dyshuar nën kërcënimin e thikës ia kishin marrë një çantë me 1400 euro.
Sipas një njoftimi nga Policia në Gjakovë, rasti i raportimit kishte ndodhur në mesditën e së premtes. E pas hetimeve fillestare dhe sigurimit të provave, Xh.K. ka pranuar se e ka inskenuar rastin me qëllim që t’i marrë për vete këto para.
Ai ka treguar edhe vendin ku i ka fshehur të hollat që më pas i janë kthyer palës përkatëse.
Tani ndaj tij është iniciuar rast “lajmërim apo kallëzim i rremë”. Ai është ndaluar në mbajtje për 48 orë.
Artikuj të ngjashëm
-
Arrestohet i dyshuari në Gjakovë, tentoi t’i korruptojë policët me 50 euro
-
Nën kërcënim të thikës grabiten para në një lokal në Pejë
-
Prishtinë, nën kërcënim të thikës një personi iu grabitën 600 euro
-
Arrestohet një serb në Mitrovicë, i ofroi 20 euro policit për të shmangur gjobën
-
Konfiskohen 573 euro të falsifikuara që ishin deponuar në një bankomat në Çagllavicë