Një person është arrestuar nën dyshimin se kishte raportuar rrejshëm vjedhjen e një arme të zjarrit në fshatin Ballancë të Vitisë.
Sipas raportit policor, rasti lidhet me periudhën 7-9 maj 2026, ndërsa i dyshuari është arrestuar të martën, pas hetimeve të zhvilluara.
Ai dyshohet se kishte deklaruar rrejshëm se arma e zjarrit i ishte vjedhur. Sipas policisë, hetimet kanë ngritur dyshime se ai armën e kishte dhënë si kompensim për një borxh.
Pas intervistimit, me vendim të prokurorit, i dyshuari është liruar dhe rasti do të trajtohet në procedurë të rregullt.