Policia e Kosovës ka zhvilluar një aksion të martën, ku në koordinim me inspektorët e Ministrisë së Industrisë dhe Tregtisë kanë kontrolluar 31 shitore të telefonave në Prishtinë, që njihen ndryshe si mobile shop.
Gjatë kontrollit janë sekuestruar 118 telefona të mençur, 3 tableta, 11 airpods, ndërsa është mbyllur nga Inspektorati një lokal, pasi po funksiononte i pa regjistruar.
Po ashtu një lokal është bllombuar pasi ishte i mbyllur deri në fund të operacionit.
Pronarët e bizneseve të kontrolluara dyshohet se kanë kryer veprat penale “shmangia nga pagesa e tarifave të detyrueshme doganore”, “kontrabandim i mallrave” dhe “shmangia nga tatimi”.
“Lidhur me rastin hetime tjera ende janë në proces dhe autoritetet janë të përkushtuara në parandalimin dhe luftimin e veprave penale, në veçanti luftën e pa kompromis kundër krimeve ekonomike”, thuhet nga Policia.
-
Policia konfiskon 244 telefona në 31 shitore të telefonave
-
Dogana i ndalon rreth 24 mijë artikuj në tri lokale në Prishtinë
-
Për një javë në rajonin e Prishtinës u sekuestruan 13 armë zjarri
-
Aksion kundër kontrabandës në Pejë, sekuestrohen mallra me vlerë 30 mijë euro
-
Sekuestrohen rreth 100 mijë euro që dyshohet se u përfituan nga krimet kibernetike