Policia e Kosovës tha se janë gjetur dhe sekuestruar një armë zjarri me një karikator dhe pesë fishekë në vendin ku ndodhi grabitja e armatosur në Prishtinë të hënën.
Sipas raportit policor, katër të dyshuarit janë shtënë me armë zjarri në drejtim të tre viktimave në një parkingun e një qendre tregtare në “Veternik”, ku lëndime kanë pësuar njëri prej viktimave dhe njëri i dyshuar. Të dyshuarit e tjerë kanë ikur nga vendi i ngjarjes.
I dyshuari që u lëndua po trajtohet në Qendrën Klinike Universitare të Kosovës (QKUK).
“Është raportuar për një rast grabitje në parkingun e një qendre tregtare, ku katër persona të dyshuar kanë shtënë me armë zjarri në drejtim të tre viktimave meshkuj kosovarë punëtorë të kompanisë për bartjen e parave. Si pasojë e të shtënave nga arma e zjarrit lëndime trupore kanë pësuar njëri nga viktimat i cili është dërguar për tretman mjekësor në QKUK Prishtinë, si dhe një i dyshuar. Të dyshuarit tjerë kanë ikur me një veturë në drejtim të panjohur. Në vendin e ngjarjes janë gjetur dhe sekuestruar një armë e zjarrit me një karikator dhe pesë fishekë. I dyshuari është arrestuar dhe është dërguar në QKUK për tretman mjekësor”, thuhet në njoftimin policor.
-
Dy persona të plagosur gjatë grabitjes së furgonit me para në “Veternik”
-
Një i arrestuar nga grabitja në “Veternik”, disa në arrati
-
Tre të plagosur me armë zjarri në Veternik
-
Dy të huajve në Prishtinë u grabiten të holla nën kërcënimin e armës dhe thikës
-
Plagosja e katërfishtë në Podujevë, tri armë u gjetën në vendngjarje e të tjera gjatë bastisjeve