Një polic është suspenduar të premten nga Inspektorati Policor i Kosovës pasi dyshohet se kishte plagosur një grua.
Policia ka bërë të ditur në raportin 24-orësh se viktima është nëna e policit dhe se plagosja ka ndodhur nga pakujdesia.
“Është raportuar se i dyshuari mashkull kosovar, zyrtar policor, nga pakujdesia ka plagosur me armë viktimën femër kosovare-nënën e tij. Viktima është dërguar për tretman mjekësor në QKUK, Prishtinë, ndërsa i dyshuari ndodhet në stacionin policor për procedura të mëtutjeshme”, thuhet në raportin 24-orësh të PK-së.
Inspektorati Policor (IPK) dje ka njoftuar për suspendimin e policit.
“Policia ka pranuar informacione sot pas orës 12:00 për një plagosje me armë zjarri të ndodhur në rrugën ‘Mukadeze Lika’ në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë veprimet e nevojshme operative policore. Pasi që në rast dyshohet se është përfshirë një zyrtar policor janë njoftuar menjëherë edhe hetuesit e IPK-së të cilët kanë dalë në vendin e ngjarjes. Bazuar në veprimet fillestare hetimore në këtë rast është lënduar një person nga shkrepja e armës”, thuhet në njoftimin e IPK-së.
-
Suspendohet një polic, dyshohet se plagosi një grua në Prishtinë
-
Rekomandohet suspendimi i polices që plagosi veten duke manipuluar me armën zyrtare
-
Plagoset një police në Prishtinë, suspendohet një polic e IPK-ja nis hetimet
-
Inspektorati rekomandon suspendimin e zyrtares policore të dyshuar për kanosje
-
Suspendohet një polic pas incidentit me parking në një qendër tregtare