Polici i plagosur në Zhur ka lëndime në sy

Polici i plagosur të martën nga një shpërthim në Zhur është nën kujdes intensiv në Qendrën Klinike Universitare të Kosovës. Ai, sipas QKUK-së, ka lëndime në sy.

“Zyra për Informim ju njofton se rasti ka ardhur me vetëdije, por me lëndime në pjesën e sipërme të kokës, pas komplikimeve është transferuar në mjekimin intensiv qendror ku është tani nën kujdes intensiv. Polici është në gjendje stabile për momentin megjithatë ka lëndime. Ka lëndime edhe në sy. Por është në trajtim multidisiplinar. Për detaje të tjera do të deklarohemi pas vlerësimit konzilar” , ka thënë Zyra për Informim e QKUK-së në një përgjigje për Kohën Ditore.

Një polic vdiq e dy të tjerë u lënduan si pasojë e një shpërthimi në një shtëpi në fshatin Zhur të Prizrenit, teksa kryenin bastisje në një rast për narkotikë. I lënduar ka mbetur edhe një fëmijë i të dyshuarit, që është arrestuar nga Policia e Kosovës.