Policia e Kosovës ka njoftuar se të premten në Aeroportin e Prishtinës ka arrestuar një të dënuar për 7 vepra penale dhe të kërkuar për tri të tjera.
“A.P. mashkull, 33 vjeç, ishte i dënuar me 3.6 vjet burgim për veprat penale: ‘Mashtrim’, ‘Vjedhje’, ‘Prezantim i rremë si person zyrtar’ dhe ‘Vjedhje të rëndë’”, thuhet në njoftim.
Ai pas përfundimit të procedurave të nevojshme nga ana e policisë, thuhet se është dërguar në vuajtje të dënimit.