Policia e Kosovës ka arrestuar një person të premten për sulm ndaj personit zyrtar.
Sipas njoftimit të PK-së, personi ishte në stacionin policor në Suharekë dhe për shkak të gjobës që i ishte dhënë sulmoi policët.
“Është arrestuar i dyshuari mashkull kosovar, pasi që në shenjë pakënaqësie lidhur me një gjobë trafiku, ka sulmuar fizikisht dy zyrtarë policorë. Me vendim të prokurorit, i dyshuari është dërguar në mbajtje”, njoftoi PK.
