G.G, është dënuar me 1 vit burgim efektiv pasi ka pranuar se në tri raste të ndryshme ka vjedhur para nëpër xhamitw e Vitisë.
Aktgjykimi ndaj të akuzuarit G.G, është shpallur të premten në Gjykatën Themelore të Gjilanit dega në Viti, raporton “Betimi për Drejtësi”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI akuzuari obligohet që në emër të shpenzimeve të paushallit gjyqësor t’i paguajë kësaj gjykate shumën prej 30 euro, ndërsa gjykata palën e dëmtuar e ka udhëzuar në kontest civil.
Sipas aktakuzës së parë të ngritur më 24 dhjetor 2020, më 17 shtator 2020, në periudhën kohore nga 13.00-15:45 në Viti në rr. “Hoxhe Jonuzi”, me qëllim, për të përfituar për ti sjell vetit përfitim material, mori para nga një objekt fetar – Xhami, në pronësi të Komunitetit Islamik të BIK, në një shumë të pa përcaktuar, e cila kishte qëllim fetar, duke hyrë në xhami dhe duke përdorur metal edhe atë me shufra metalike i theu dy dryna në arkë, dhe mori të gjitha paratë nga arka, dhe pastaj drynat i la pranë arkës, e shufrën metalike e ka hedhur në lum.
Sipas aktakuzës së të dytë të ngritur me 16 shkurt 2021, më 1 janar 2021, rreth orës 22:00, në Viti, në rrugën ”Hoxhë Jonuzi”, i pandehuri, me qëllim të përfitimit të kundërligjshëm pasuror për vete, ka tentuar të kryej vjedhje të rëndë, në dëm te të dëmtuarës – xhamisë, në atë mënyrë që, ka shkuar tek xhamia e qytetit në Viti, çelësin e ka gjetur tek rafti i këpucëve dhe e ka hapur derën e xhamisë, ku ka hy brenda, pastaj me forcë, me çelësin që e ka hap derën ka tentuar të hapë kasafortën, e cila i kishte dy dryna, ku njërin dry e kishte hapur, por tjetrin nuk ka mundur dhe si pasojë dryni është thyer, me çka të dëmtuarës i ka shkaktuar dëm në vlerë të papërcaktuar.
Ndërsa, sipas aktakuzës së tretë të ngritur më 22 prill 202, G.G, më 10 janar 2021, rreth orës 11:00 h, në fshatin Pozheran, K. Viti, me qëllim të përfitimit të kundërligjshëm të pasurisë për vete apo personin tjetër, i pandehuri ka kryer vjedhje të rëndë, në atë mënyrë që fillimisht shkon tek Xhamia e fshatit, duke përdorë mjete të forta hap derën ndihmëse të Xhamisë, depërton brenda e më pas me forcë hap njërën nga arkat e cila ka qenë varur në muri, merr të hollat të cilat kanë qenë në arkë, e pasi që del në oborrin e Xhamisë merr edhe DVAR-in e kamerave të sigurisë, e pasi që largohet nga objekti i Xhamisë, shkon në oborrin e Xhamisë së Vjetër, me ç’rast në pusin e Xhamisë e hedh DVAR-in dhe largohet pa u hetuar nga askush, ashtu që i pandehuri me veprimet e veta të kundërligjshme tani te dëmtuarës Xhamisë së Fshatit, i shkakton dëm material në vlerë të pa përcaktuar.
Me këto veprime, ai thuhet se ka kryer veprën penale “Vjedhje e rëndë”.