Të paktën katër persona janë arrestuar në Prishtinë, të dyshuar për vrasje në tentativë, ka njoftuar për KOHËN zëdhënësi i Policisë, Agron Borovci.
Sipas tij, një person ka pësuar lëndime nga therja me thikë në përleshjen që ka ndodhur të shtunën mbrëma në rrugën “Lidhja e Prizrenit” në kryeqytet.
“Ndërkohë që kanë vazhduar veprimet hetimore të policisë, janë identifikuar dhe arrestuar të dyshuarit; J. B, mashkull, 19 vjeç, shtetas i Republikës së Kosovës, K. K, mashkull, 19 vjeç, shtetas i Republikës së Kosovës, A. XH, mashkull, 18 vjeç, shtetas i Republikës së Kosovës, si dhe O. A, mashkull, 18 vjeç, shtetas i Republikës së Kosovës, ndaj të cilëve policia ka iniciuar një hetim në drejtim të veprave penale ‘Vrasja në tentativë’ si dhe ‘Lëndim i rëndë trupor’”, ka thënë ai.
Me aktvendim të nxjerrë nga ana e prokurorit të shtetit, të njëjtit janë dërguar në mbajtje prej 48 orësh.
-
Katër të arrestuar për përleshjen e së shtunës në Prishtinë
-
Katër të arrestuar pas sulmit me thikë në Prizren, ku u plagosën 3 persona
-
Therje me thikë në Fushë-Kosovë, një person dërgohet në mbajtje
-
Theret me thikë një grua në Prishtinë, i dyshuari merr trajtim psikiatrik e dërgohet në mbajtje
-
Theret me thikë një person në Prizren, arrestohet i dyshuari