Gjykata Themelore në Ferizaj, ka caktuar masën e paraburgimit prej një muaji kundër të pandehurit I.T. për shkak të dyshimit të bazuar se ka rrahur nënën e tij.
Sipas njoftimit ekziston dyshimi i bazuar mirë, se më 14.06.2021, në shtëpinë e tyre në Ferizaj me dashje me qëllim të shkaktimit të lëndimit të lehtë trupor, si pasojë e mosmarrëveshjes paraprake rreth një telefoni e ka goditur nënën e tij fillimisht me dy shuplaka në fytyrë ku si pasojë ajo është alivanosur.
“Mirëpo pasi i kthehet vetëdija në momentin e ngritjes , i pandehuri tenton ta godet motrën e tij dhe me këtë rast reagon e dëmtuara me ç'rast prapë e godet të njëjtën me grusht në fytyrë si pasojë e kësaj goditje pëson lëndime trupore”, thuhet në njoftim.
