Një muaj paraburgim nënës që dyshohet se vrau foshnjën në Prizren

Gjykata Themelore në Prizren ka caktuar masën e paraburgimit prej një muaji të pandehurës M.B. nga Prizreni pasi dyshohet se ka vrarë foshnjën e saj.

M.B. dyshohet se më 20 prill rreth orës 21:00 në shtëpinë e saj, pa dijeninë dhe pa ndihmën e askujt, kishte kryer lindjen e të birit e më pas nuk i kishte prerë kërthizën e të mbështjellë me xhemper, e kishte çuar në tavan të shtëpisë ku e kishte lënë pa i treguar askujt.

Nëna vret foshnjën e porsalindur në Prizren

Pas zbulimit nga familjarët, rasti ishte raportuar në polici më 26 prill në mbrëmje.

Masa e paraburgimit do t’i llogaritet nga 26 prilli.