Prokuroria Themelore në Pejë ka ngritur aktakuzë ndaj “Kelkos Energy” dhe personit përgjegjës juridik, G.W. për shkak të veprës penale shkaktim i rrezikut të përgjithshëm.
Sipas aktakuzës, më 30 prill 2020 në segmentin e rrugës Deçan-Plavë, ka rrjedhur uji nga kanali që shërben për qarkullimin dhe mbledhjen e ujit për furnizim të hidrocentraleve, duke shkaktuar shembje në tërësi të dheut dhe dëmtim të rrugës që ishte duke u përgatitur për asfaltim. Hidrocentralet thuhet se menaxhohen dhe administrohen nga SH.P.K “Kelkos Energy”. Dëme ka pësuar edhe kompania që po kryente punimet.
“Me këto veprime ekziston dyshimi i bazuar mirë se është kryer vepra penale “Shkaktimi i rrezikut të përgjithshëm”, nga neni 356, paragrafi 6,të KPRK-së. Prokurori i shtetit i ka propozuar gjykatës kompetente, që i pandehuri G.W., dhe personi juridik SH.P.K “Kelkos Energy” , të shpallen fajtor dhe të dënohen sipas ligjit për veprën penale e cila ju vihet në barrë”, thuhet në njoftimin e Prokurorisë.
-
Gjykata vendos në favor të qytetarëve të Deçanit, kërkon anulimin e lejeve për hidrocentralet e KELKOS-it
-
Aktakuzë ndaj dy zyrtarëve të “Hidrodrinit” për helmimet në Deçan
-
Deçanasit presin që përgjegjësit për dëmet në Grykë të Deçanit të vihen para drejtësisë
-
CSL-ja e konsideron skandaloz vendimin e Apelit për hidrocentralet në Deçan
-
Paditet “Kelkosi”, QRGJS: Shkelje të shumta ligjore në licencimin e HC-ve në Deçan