Policia e Kosovës të shtunën ka shoqëruar për në stacion pronarin e një pishine në Rahovec, për mosrespektim të masave të vendosura nga Qeveria e Kosovës për të parandaluar përhapjen e pandemisë COVID-19.
Gjatë inspektimit të Policisë së Kosovës ishin vërejtur në pishinë 30-40 qytetarë duke bërë not.
Me vendim të prokurorit pronari është liruar me procedurë të rregullt.
Po ashtu një rast i ngjashëm ka ndodhur edhe në një pishinë në Skenderaj të shtunën. Ku pronari është ftuar në stacion, ndërsa më pas është liruar me procedurë të rregullt. E dy raste tjera për mosrespektim të masave janë vërejtur në një lokal në Skenderaj. Lokali ishte mbajtur hapur përtej orarit të lejuar.
