Dy persona janë ndaluar për kontrabandë me mallra, përkatësisht prerje të paautorizuar të druve në Sllatinë.
Sipas njoftimit, me të hetuar patrullën policore, personat janë larguar në drejtim të malit poshtë, mirëpo reagimi i shpejt i patrullës ka bërë që të ndalohen dy persona meshkuj kosovarë, që ishin duke prerë dru me dy moto-sharra.
“Në vend-ngjarje janë hasur të grumbulluara rreth dyzet trupa dru, të gjatësive të ndryshme 10 deri 15 metra dhe diametër nga 20 deri 40 cm, një traktor, një ngarkesë (ram) me afro 7 deri 8 m3 dru dhe një tjetër gjysmë i ngarkuar me dru. Lidhur me rastin, është njoftuar Dogana e Kosovës ndërsa në konsultim me prokurorin, të dyshuarit H.M (1976) dhe M.M. (1992) lirohen në procedurë të rregullt. ndaj tyre është iniciuar rasti ‘kontrabanda me mall’. Në këtë rast janë konfiskuar dy moto-sharra dhe pesë radio-lidhje dore për komunikim të gjetura në vend ngjarje”, thuhet në njoftim.
-
Penguan policinë në Kaçanik, dy të dyshuarve u gjenden dru pa dokumentacion në veturë
-
Kontrabandim me mallra dhe falsifikim dokumenti në Svircë të Kamenicës
-
Tre persona arrestohen duke prerë drurë ilegalisht në Jezercë të Ferizajt
-
Ndalohen tri raste të kontrabandimit me mallra dhe kalimit ilegal në kufij
-
Arrestohet tre persona në Gjilan, dyshohen për dallavere me dru