Në mungesë të dëshmitarëve Istref Metaj dhe Arif Ademaj, është shtyrë seanca e së mërkurës në rastin ndaj ish-deputetit Ukë Rugova, ish-ministrit të Ministrisë së Kulturës, Rinisë dhe Sportit, Astrit Haraqija, Florjan Petanit, Qefser Baholli dhe Izet Beqirit.
Të gjithë këta po akuzohen se duke vepruar si grup kriminal, për qëllime të përfitimit material i kanë pajisur qytetarët në mënyrë të jashtëligjshme me viza shengen nga Ambasada Italiane në Prishtinë. Akuza thotë se Ukë Rugova kishte menaxhuar këtë grup kriminal, raporton “Betimi për Drejtësi”.
Kryetarja e trupit gjykues, gjykatësja Fatime Dermaku bëri të ditur se dy dëshmitarët kanë qenë të njoftuar përmes telefonit për këtë seancë, mirëpo të njëjtit nuk janë paraqitur.
Në këto rrethana, seanca e radhës u caktua më 18 tetor 2021, në ora 09:00.
Ndryshe, ky rast gjykohej nga misioni i EULEX-it, por pas përfundimit të mandatit, lënda ishte transferuar të vendorët. \BetimiPërDrejtësi
-
Anëtari i trupit gjykues në udhëtim zyrtar, dështon gjykimi ndaj Ukë Rugovës dhe të tjerëve
-
Dështon sërish gjykimi ndaj Ukë Rugovës, një vit prej seancës së fundit
-
Supremja vërteton dënimin me gjobë ndaj Ukë Rugovës
-
15 të akuzuarit në rastin “Ukë Rugova II” lirohen nga akuza për krim të organizuar
-
Ukë Rugova e të tjerët, të pafajshëm për rastin “vizat italiane”