Dy të rinj serbë janë plagosur mbrëmë në Mitrovicën veriore kur në lagjen e boshnjakëve i ka sulmuar jë grup shqiptarësh, transmeton Kossev lajmin e radio kontakt plus-it.
Incidenti ka ndodhur në rrugën “Nemania” rreth orës 20:30, transmeton Koha.net.
Paraprakisht, siç njoftohet, verbalisht ishte sulmuar motra e njërit nga dy serbët e plagosur.
Atyre u është dhënë ndihma në qendrën klinike spitalore në Mitrovicën veriore ku ata janë hospitalizuar.
Babai i njërit nga të sulmuarit, Dragoslav Kostiq, ka thënë se 30 shqiptarë kishin sulmuar djalin e tij dhe shokun.
Koha.net ka provuar mëngjesin e sotëm të kontaktojë me Besim Hotin, zëdhënës i Policisë së Kosovës në veri, por ai nuk e ka hapur telefonin.
Artikuj të ngjashëm
-
Rrahje mes të rinjve shqiptarë e serbë në veri, disa të arrestuar – dy të lënduar
-
Shqiptarët e sulmuar në veri thonë se u rrahën nga rreth 20 persona, disa nga ta të maskuar
-
Sulmohen dy shqiptarë në Mitrovicë të Veriut
-
Sulmohen dy shqiptarë në veri të Mitrovicës, dërgohen në spital
-
Dy të mitur raportojnë se janë sulmuar nga disa serbë në veri