Prokuroria Themelore në Gjilan ka kërkuar t’i shqiptohet masa e paraburgimit D.I. pasi dyshohet se ka kryer një vrasje të rëndë.
Sipas prokurorisë, D.I., nga Novobërda, ka goditur me thikë të ndjerin 12 herë në pjesë të ndryshme të trupit, duke i shkaktuar plagë vdekjeprurëse.
“Me këto veprime, i njëjti dyshohet se ka kryer veprën penale të sipërshënuar”, thuhet në njoftimin e prokurorisë.
Koha ka raportuar lidhur me këtë rast gjatë së dielës, ku vepra fillimisht ishte cilësuar si vetëvrasje ndërsa më pas si vrasje e rëndë.
