Katër persona janë arrestuar për dhunë në familje, në Prishtinë dhe në Gjakovë.
Policia e Kosovës përmes raportit 24 orësh bën të ditur se tre raste janë në Prishtinë e një në Gjakovë.
Në Gjakovë është arrestuar një burrë me dyshimin se në gjendje të dehur dje kishte sulmuar fizikisht bashkëshorten e tij. Viktima ka refuzuar të marrë tretman mjekësor, derisa i dyshuari është dërguar në mbrojtje, transmeton KOHA.
Kurse në Prishtinë dje “është arrestuar i dyshuari, i cili e kishte kanosë me jetë bashkëshorten e tij. I dyshuari pas intervistimit me vendim të prokurorit është dërguar në mbajtje për 48 orë, rasti vazhdon të hetohet”.
E poashtu në Prishtinë dje është arrestuar një burrë pasi kishte fyer dhe kishte tentuar që ta largojë bashkëshorten e tij nga banesa, bën të ditur Policia.
“I dyshuari dyshohet se kishte ushtruar dhunë edhe më herët ndaj viktimës dhe i njëjti me vendim të prokurorit pas intervistimit është dërguar në mbajtje”, thotë PK.
Edhe
Gjashtë raste të dhunës në familje në 24 orët e fundit, pesë të arrestuar
Kurse në një rast tjetër në kryeqytet është arrestuar një burrë për sulm ndaj bashkëshortes dhe dy vajzave të tij, njëra prej tyre e mitur.
“Si pasojë e sulmit viktimave u është ofruar tretmani mjekësor, kurse i dyshuari me vendim të prokurorit pas intervistimit është dërguar në mbajtje për 48 orë”, thotë PK.
