Është arrestuar një person në hyrje të pikëkalimit kufitar Morinë i cili ishte i shpallur në kërkim ndërkombëtar.
I arrestuari ishte banor i Kosovës, sipas njoftimit të Policisë së Shqipërisë.
“Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Ëiesbaden, Gjermani, pasi Gjykata e Hanover, Gjermani, me vendimin e datës 12.07.2018, i ka caktuar masën e sigurisë ‘Arrest në burg’, për veprat penale ‘Shkelja e ligjit të narkotikëve’, ‘Shkelja e ligjit mbi armët’ dhe ‘Vjedhja në kuadër të grupit kriminal’, parashikuar nga legjislacioni penal i Gjermanisë”, thuhet në njoftimin e policisë.
Policia ka sqaruar se personi dyshohet se gjatë muajve janar dhe shkurt të vitit 2018, në cilësinë e pjesëtarit të një grupi kriminal, është përfshirë në disa vjedhje në banesa dhe në biznese në Hanover, Gjermani.
“Gjatë kontrollit në banesën e tij, në vitin 2018, janë gjetur municion luftarak dhe një sasi lënde narkotike kokainë”.
Ndërkohë, i dyshuari do të ekstradohet në Gjermani.
-
Tre të arrestuar në Morinë tek dilnin nga Kosova, dy në kërkim ndërkombëtar
-
Arrestohet në Morinë shtetasi i Kosovës, kërkohej ndërkombëtarisht nga Lituania
-
Kosovari i shpallur në kërkim ndërkombëtar për trafikim droge kapet në kufi me Shqipërinë
-
Arrestohet kosovari 35-vjeçar në Morinë, i kërkuar nga Norvegjia
-
Ndalohet shtetasi i Kosovës në Morinë, po kërkohej nga Gjermania për “mashtrim”