Një vajzë ka raportuar se i është vjedhur telefoni në korridorin e banesës së saj.
Policia ka arritur ta arrestojë të dyshuarin dhe telefonin t’ia kthejë viktimës.
I dyshuari është liruar në procedurë të rregullt.
Rasti ka ndodhur në rrugën “Qika Jovina” në Mitrovicën e Veriut.
“Ankuesja femër kosovare, ka njoftuar policinë se derisa ka qenë në korridorin e banesës i është vjedhur telefoni celular. Gjatë punës operative njësia policore ka arritur ta arrestojë të dyshuarin mashkull kosovar dhe telefonin ia ka kthyer viktimës. Në konsultim me prokurorin pas inicimit të rastit i dyshuari është liruar në procedurë të rregullt”, thuhet në raportin e PK-së.
