I dyshuari për vrasjen e 29-vjeçarit në Pogragjë të Gjilanit, që ndodhi të dielën në mbrëmje, ende gjendet në arrati.
Ndërkohë që Policia ka njoftuar se në vendin e ngjarjes janë sekuestruar tri armë.
“Në vendin e ngjarjes janë sekuestruar një pushkë gjuetie, një pushkë zjarri M48, një pistoletë (pa kafkë), 68 fishekë dhe 4 gëzhoja. I dyshuari gjendet në kërkim policor”, thuhet në raportin 24-orësh të Policisë.
Me vendim të prokurorit trupi i pajetë i viktimës thuhet se është dërguar në Institutin e Mjekësisë Ligjore për obduksion.