Gjini: Nëse kjo vrasje kalon pa arrestime e shkarkime, institucionet s’janë më mbrojtëse të ligjit

Kryetari i Aleancës, Ardian Gjini, ka reaguar lidhur me vrasjen e Arlinda Zekajt në Vitomiricë të Pejës.

Gjini ka thënë se nëse kjo vrasje kalon pa arrestime, pa shkarkime dhe pa dorëheqje të menjëhershme të atyre që e injoruan alarmin e saj, atëherë institucionet nuk janë më mbrojtëse të ligjit, por spektatore të krimit.

Në një postim në Facebook ka shkruar se tetë gra të vrara brenda këtij viti, janë tetë dëshmi që sistemi i drejtësisë në vend nuk e mbron askënd.

“’Uroj që të mos jepni llogari vetëm pasi të jetë marrë jeta ime’. Kjo fjali nuk u shkrua si letër. Kjo fjali u shkrua si testament. Arlinda Zekaj e kishte kuptuar saktësisht. Tetë gra të vrarë brenda vitit janë tetë dëshmi se sistemi ynë nuk mbron askënd. Këtu po flasim për një shtet që thjesht nuk ekziston për njerëzit e vet”, ka shkruar ai.

Gjini ka thënë se nëse kjo vrasje kalon pa arrestime, pa shkarkime dhe pa dorëheqje të menjëhershme të atyre që e injoruan alarmin e saj, atëherë institucionet nuk janë më mbrojtëse të ligjit, por spektatore të krimit.

“Ngushëllimet më të sinqerta familjes së Arlindës dhe të gjithë atyre që e njohën”, ka shkruar ai.

Haradinaj: Organet kompetente të japin përgjegjësi për vrasjen e gruas në Pejë

Edhe Kronikë 4 min. më parë VV-ja nis mbledhjen e nënshkrimeve për seancë të jashtëzakonshme pas vrasjes së Arlinda Zekajt

Deputeti i Aleancës, Ramush Haradinaj ka kërkuar përgjegjësi nga organet e drejtësisë për vrasjen e Arlinda Zekajt në Vitomericë të Pejës.

Ai përmes një postimi në Facebook ka shkruar se rastet e vrasjeve po ndodhin shpesh në Kosovë, duke shtuar se është tejkaluar çdo limit njerëzor.

“Është urgjencë që gjërat të marrin kahje ndryshe. Vrasjet duhet të ndalen, shoqëria duhet të reflektojë, ndërkaq drejtësia ta kryejë punën e saj dhe të ashpërsohet në këtë drejtim. Mbi të gjitha, është jetike që organet kompetente të japin përgjegjësi të plotë për çdo neglizhencë apo dështim në mbrojtjen e jetës së qytetarëve.  Ngushëllime familjes që humbi më të dashurën e tyre”, thuhet në njoftim.