Një grua nga Vitia, ka raportuar në polici se është sulmuar fizikisht nga vjehrra e saj.
Në njoftimin e policisë të martën, thuhet se e dyshuara është arrestuar dhe pas intervistimit është liruar.
“Ankuesja ka raportuar se pas një mosmarrëveshjeje në familje, është sulmuar fizikisht nga vjehrra e saj. Ankuesja posedon raport mjekësor për lëndime trupore. Në lidhje me rastin janë intervistuar edhe tri dëshmitare, ndërsa është arrestuar e dyshuara dhe pas intervistimit me urdhër të prokurorit kujdestar është liruar”, thuhet në njoftim.
