Njësitë policore në Leposaviq të enjten kanë hasur në disa grafitë të shkruara në muret e disa shtëpive.
Policia ka thënë se shkrimet kanë qenë përmbajtje kundër rendit kushtetues të Republikës.
“Njësitet policore gjatë patrullimit në muret e disa shtëpive kanë vërejtur disa grafitë të shkruara me përmbajtje kundër rendit kushtetues të Republikës së Kosovës. Në lidhje me rastin është konsultuar prokurori i shtetit, rasti vazhdon të hetohet nga ekipet përkatëse te hetuesisë”, thuhet në raportin e PK-së.
Ndërsa, mësohet se grafitet kishin lidhje me organizatën Brigada e Veriut, e cila ishte shpallur terroriste bashkë me organizatën tjetër, “Mbrojtja Civile”.
