Një argjendari është grabitur të enjten pasdite në Gjakovë.
Sipas raportit të Policisë rasti ka ndodhur rreth orës 17:00, kur dy persona të armatosur kanë hyrë në argjendari dhe kanë thuhet dollapët e kanë marrë një sasi të madhe të arit.
“Dy viktimat një mashkull dhe një femër kosovare kanë raportuar se derisa kanë qenë në vendin e punës, kanë hyrë dy persona të dyshuar dhe të armatosur njëri me armë të gjatë e tjetri me një çekan dhe pasi kanë thyer dollapët kanë marrë një sasi të madhe ari”, thuhet në njoftimin e Policisë.
Sasia e saktë e arrit të vjedhur ose vlera e tij nuk janë bërë të ditura.
Të dyshuarit pas kryerjes së veprës thuhet se janë larguar në këmbë në drejtim të panjohur.
Rasti thuhet se është duke u hetuar nga ekipet relevante policore.