Gjilanasit i merret arma pasi shtiu në aheng familjar

Policia e Kosovës ia ka sekuestruar armën një personi në Gjilan, pasi dyshohet se shtiu në një aheng familjar të martën.

Policia kishte pranuar informatë për të shtëna me armë dhe arriti ta lokalizonte vendngjarjen.

“Është sekuestruar arma e llojit ,,CANIK’’ prodhim turk cal 9x19 mm së bashku me 14 gëzhoja të armës përkatëse janë konfiskuar si dëshmi materiale për Gjykatë”, thuhet në njoftim.

I dyshuari është liruar në procedurë të rregullt, ndërsa rasti është iniciuar si “Përdorim i armës apo mjetit të rrezikshëm”.