Dyshohet se disa persona kanë mbetur të plagosur nga gjuajtjet me armë te lokali “Bon Vivant” në qendër të Prishtinës të premten në mbrëmje.
Sipas videove të siguruara nga KOHA, në vendngjarje kanë dalë një numër i madh policësh e ambulancash.
Në video gjithashtu shihet teksa një person nxirret me barelë e me ndihmën e mjekëve nga lokali.
Në vendngjarje kanë dalë edhe policët hetues.
KOHA ka kontaktuar me Policinë dhe është në pritje të përgjigjes.