Dy kirurgë të Spitalit të Vushtrrisë arrestohen nën dyshimin për ryshfet, i treti po kërkohet

Dy kirurgë të Spitalit të Vushtrrisë janë arrestuar nën dyshimin për marrje ryshfeti, ka konfirmuar Policia e Kosovës, pas raportimeve se kishin marrë para për t’i kryer operimet.

Sipas njoftimit të Policisë, kirurgu i tretë është në kërkim policor.

“Mund të ju konfirmojmë se Policia e Kosovës, përkatësisht Njësia Rajonale për Hetime të Krimeve Ekonomike dhe Korrupsionit Mitrovice-Jugu, ka arrestuar dy persona me dyshimin e bazuar për marrje ryshfeti, përderisa personi i tretë mbetet në kërkim policor. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, thuhet në përgjigjen e Policisë për KOHËN.

Dyshimet u ngritën pas publikimit të disa videove nga Gazeta “Shneta”.