Një person ka pësuar lëndime si pasojë e rënies nga lartësia e një ndërtese të enjten në lagjen e Spitalit në Prishtinë.
Policia ka njoftuar se viktima dyshohet se po kërkohej me urdhër-arrest vendor dhe ndërkombëtar, për veprën penale vrasje e rëndë, në përpjekje për t'iu shmangur arrestimit policor, ka rënë nga një lartësi dhe për pasojë ka pësuar lëndime trupore.
Atij i është ofruar tretmani mjekësor, për tu transferuar më pas në Qendrën Klinike Universitare të Kosovës.
“Aktualisht policia, në bashkëpunim me akterët e tjerë përkatës, janë duke ndërmarrë të gjitha veprimet e nevojshme për zbardhjen e plotë të rrethanave të ngjarjes”, thuhet tutje në njoftimin e Policisë.
