Një burrë e një grua me origjinë nga Kosova janë gjetur të vdekur në apartamentin e tyre në qytetin Epinal të Francës. Trupat e tyre janë gjetur me plagë nga një mjet i mprehtë, që dyshohet të jetë thikë, dhe Policia nuk ka përjashtuar asnjë hipotezë për momentin, shkruan France TV Info.
Çifti ishte rreth të dyzetave. Jetonte në apartament me shtatë fëmijët e tyre, nga pesë deri në 21 vjeç.
“Plagë nga therja janë vërejtur në trupin e gruas dhe burrit”, ka konfirmuar prokurori publik i Epinal, Frederic Nahon, në një deklaratë për shtyp të publikuar të mërkurën.
“Fëmijët, njëri katërvjeçar, 13-vjeçar, 16-vjeçar, 19-vjeçar dhe 21-vjeçar u evakuuan nga dritarja e apartamentit nga zjarrfikësit. Dy fëmijët e tjerët ndodheshin në shkollë. Fëmijët e lajmëruan rastin tek autoritetet”, ka shtuar Nahon.
Nahon ka thënë se nuk duhet të përjashtohen asnjë hipotezë, teksa konfirmoi se do të kryhet autopsia, si dhe do të merren dëshmitë e fëmijëve dhe dëshmitarëve të tjerë.
Edhe
Vdekja e çiftit kosovar në Francë, burri vrau gruan e më pas veten me thikë
Familja ishte strehuar në Francë që nga viti 2018.
Një konferencë tjetër në lidhje me rastin do të mbahet të enjten, më 28 prill.
-
Një çift shqiptar gjendet i vdekur në Francë, dyshohet se burri vrau gruan
-
Arrestohet një burrë në Francë, dyshohet se vrau gruan dhe katër fëmijët
-
Vritet në Zvicër një kosovare 37-vjeçare, nënë e katër fëmijëve, i dyshuar bashkëshorti i saj
-
Pesë persona gjenden të vdekur brenda dy ditëve të fundit në Kosovë