Një biçiklist ka pësuar lëndime të rënda trupore si pasojë e një vetaksidenti që ka ndodhur mbrëmjen e së martës në Prishtinë.
Sipas raportit 24-orësh të Policisë, aksidenti ka ndodhur më 17 2025, rreth orës 20:45.
Në këtë aksident është përfshirë vetëm biçiklisti – mashkull, shtetas i Kosovës – i cili për arsye ende të panjohura ka humbur kontrollin dhe është rrëzuar.
Në vendin e ngjarjes kanë dalë njësitë policore për të kryer hetimet e nevojshme, ndërsa viktima është dërguar menjëherë për trajtim mjekësor në Qendrën Klinike Universitare të Kosovës (QKUK), ku po vazhdon të trajtohet për lëndimet e marra.
