Policia e Kosovës ka iniciuar rast ndaj një shtetasi të Shqipërisë pasi ditë më parë i janë gjetur dhe sekuestruar 7 bidonë të mbushura me lëndë të panjohura, e më 9 qershor është vërtetuar se lënda ka qenë material që mund të përdoret edhe për eksploziv.
Sipas njoftimit, i dyshuari më 3 qershor është ndaluar në pikën kufitare të Vërmicës, ndërsa me vendim të prokurorit është liruar në procedurë të rregullt..
Rasti po hetohet si “dërgim apo transportim i kundërligjshëm i lëndëve eksplozive ose lëndëve ndezëse”.
“PKK Vërmicë 03.06.2025-20:20. Ditë më parë është ndaluar i dyshuari shtetas i R. Shqipërisë pasi që gjatë kontrollit të automjetit i janë gjetur dhe sekuestruar 7 bidon të mbushura me lëndë të panjohura. Më 09.06.2025 është vërtetuar se lënda është material i cili mund të përdorët edhe për eksploziv. Me vendim të prokurorit rasti është duke u hetuar në procedurë të rregullt”, thuhet në njoftimin e plotë policor.
