Policia e Kosovës ka arrestuar të dielën pronarin e një restoranti në fshatin Merdar të Podujevës.
Sipas njoftimit të policisë të martën, arrestimi është bërë nën dyshimin se pesë persona janë helmuar nga ushqimi në restorantin e tij.
“Njësitë relevante policore dhe inspektoret e AUV-it kanë dalë në vendin e ngjarjes dhe restoranti i është mbyllur përkohësisht. Me vendim të prokurorit të shtetit i dyshuari pas intervistimit, është dërguar në mbajtje”, thuhet në njoftim.
