Ministri i Shëndetësisë, Arben Vitia, ka dhënë informacione mbi gjendjen e pacientëve që janë helmuar të premten në një lokal në Malishevë.
Ai ka thënë se në QKUK të hospitalizuar janë 11 qytetarë dhe 9 qytetarë të tjerë janë në Spitalin e përgjithshëm të Prizrenit.
“Gjendja e të gjithë të hospitalizuarve pas marrjes së trajtimit mjekësor është e qetë dhe stabile”, ka shkruar ai.
Agjencia e Ushqimit dhe Veterinës ka thënë se inspektorët bashkë me Policë kanë nisur inspektimin në lokalin gastronomik të ushqimeve të shpejta ‘’Apetit Doner’’, nga ku ka ndodhur helmimi. Ajo ka theksuar se gjendja në lokal s'ka qenë e mirë.
Vitia ka thënë se 68 persona janë helmuar.
Artikuj të ngjashëm
-
Situata nga helmimi në Malishevë po shkon drejt normalizimit
-
Arrin në 140 numri i të helmuarve në Malishevë
-
Mbi 60 persona u helmuan në Malishevë, arrestohet pronari i lokalit
-
Rreth 30 persona dyshohet se janë helmuar nga ushqimi në Malishevë
-
Intervistohet pronari i një lokali në Han të Elezit pas dyshimeve për helmim nga ushqimi