Arrestohet një polic i dyshuar për dhunë në familje

Një zyrtar policor është arrestuar të martën nën dyshimin se ka kryer veprën penale “dhunë në familje”, ka njoftuar Inspektorati Policor.

Sipas njoftimit, rasti është raportuar të ketë ndodhur të martën pasdite në Graçanicë.

Ndaj tij është caktuar masa e ndalimit prej 48-orësh.

Zyrtari policor është suspenduar.

“Hetuesit e IPK-së  në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, thuhet në njoftim të IPK-së.