Arrestohet një person në Han të Elezit, dyshohet se rrahu bashkëshorten

Një person është arrestuar në Han të Elezit pasi dyshohet se ka kryer veprën penale “dhunë në familje”.

Siç njofton Policia, rasti ka ndodhur të dielën në ora 11:30, në rrugën “Xhemsedin Suma”, ku i dyshuari ka ushtruar dhunë fizike ndaj bashkëshortes së tij.

“Në lidhje me këtë, policia ka marr veprimet e duhura dhe menjëherë ka dalë në vendin e ngjarjes dhe ka arrestuar personin e dyshuar me inicialet A.M (M/K) i moshës 37 vjeçare, i cili kishte ushtruar dhunë fizike ndaj bashkëshortes së tij me inicialet A.M (F/K) e moshës 36 vjeçare, duke i shkaktuar lëndime trupore dhe të njëjtën e kishte larguar jashtë banesës ku po jetonin”, thuhet në njoftim.

I dyshuari është intervistuar ndërsa me vendim të Prokurorisë Themelore në Ferizaj, i dyshuari është dërguar në mbajtje për 48 orë.