Një person i kërkuar me urdhëresë të Gjykatës Themelore në Gjilan, është arrestuar të enjten.
I dyshuari me inicialet G.V., është i dënuar me burgim prej katër vjetësh e 10 muajsh.
Policia nuk ka bërë të ditur se për çfarë vepre penale është i dënuar 31-vjeçari i kërkuar deri më sot.
Pas përfundimit të procedurave, ai është dërguar në vuajtje të dënimit.
Në vuajtje të dënimit të enjten, është dërguar edhe një tjetër person i kërkuar në këtë rajon - 76-vjeçari me inicialet Sh.B. Ai ishte i kërkuar lidhur me një aksident trafiku. Është i dënuar me burgim prej një viti.
