Lulzim Berisha është arrestuar të enjten në Spanjë, ka konfirmuar Policia e Shtetit.
Berisha ishte i shumëkërkuar nga autoritetet shqiptare, ndërsa njihej si “truri” i ish-bandës së Durrësit, një organizatë kriminale përgjegjëse për disa krime të rënda.
Arrestimi i tij u bë i mundur falë bashkëpunimit me autoritetet spanjolle. Pritet ekstradimi i tij në Shqipëri.
Njoftimi i Policisë së Shtetit:
Vijojnë operacionet dhe bashkëpunimet e suksesshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore.
Finalizohet operacioni policor i koduar “Sant Joan”.
Edhe
Bosi i bandës së drogës në Ekuador kapet në Spanjë, disa vjet pasi falsifikoi vdekjen
Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimiet të tyre në kohë, me strukturat e Policisë spanjolle, u bë e mundur kapja e shtetasit me rrezikshëmri të lartë shoqërore Lulzim Berisha.
Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.
