Policia e Kosovës ka njoftuar se në Vushtrri ka arrestuar një 41-vjeçar i cili dyshohet se është përfshirë në një rast të vjedhjes në Fushë-Kosovë, ku thuhet se janë vjedhur stoli ari në vlerë rreth 20 mijë euro.
Rasti thuhet se ka ndodhur më 20 prill të këtij viti ndërsa i dyshuari me iniciale E.Xh. është arrestuar mëngjesin e së enjtes.
“Sot rreth orë 06:00, në Vushtrri, nga zyrtarët policorë të stacionit të Fushë-Kosovës, është arrestuar një person, për të cilin ekziston dyshimi i arsyeshëm se është përfshirë në një rast të vjedhjes së rëndë, i cili ka ndodhur në Fushë-Kosovë, me datën 20.04.3023, saktësisht në një shtëpi ku janë vjedhë stoli ari (vlera rreth 20000 euro) dhe janë shkaktuar dëme të tjera materiale”, thuhet në njoftimin e Policisë.
Pas përfundimit të procedurave të nevojshme policore me vendim të prokurorit, rasti thuhet se është proceduar te zyrtarët e stacionit policorë në Vushtrri, pasi ndaj të dyshuarit thuhet se janë aktive dy urdhëresa të gjykatës.
-
Arrestohet i dyshuari për vjedhjen e stolive dhe parave në vlerë mbi 21 mijë eurosh
-
Vidhen stoli ari në vlerë 10 mijë euro në një shtëpi, arrestohet një i dyshuar
-
E zë hajnin në flagrancë, i vodhi stoli ari e bizhuteri
-
Arrestohet në Mitrovicë një i dyshuar për blerje të arit të vjedhur
-
Arrestohet një i mitur për vjedhje të rëndë, dyshohet për të paktën 12 të tjera