Prokuroria Themelore në Gjakovë, Departamenti i Krimeve të Rënda, ka ngritur aktakuzë kundër dy të pandehurve, I.D., dhe B. Sh., për veprën penale “ Keqpërdorimi i pozitës zyrtare apo autoritetit zyrtar”, njofton kumtesa.
Sipas aktakuzës, dy të pandehurit I.D., dhe B. Sh., gjatë kryerjes së pozitës zyrtare në cilësinë e zyrtarëve policorë, me datën 06.04.2018, në pikë kalimin kufitar në Qafë Prush, kanë keqpërdorur detyrën zyrtare, duke kaluar kompetencat e tyre, me qëllim që të sjellin dobi pasurore në mënyrë të kundërligjshme për vete dhe për të tjerët, transmeton Koha.net.
Me këto veprime ekziston dyshimi i bazuar mirë se të njëjtit kanë përmbushur elementet e veprës penale të përshkruar më lartë.
Prokurori i Shtetit, me rastin e ngritjes së aktakuzës, i ka propozuar Gjykatës Themelore në Gjakovë, që të pandehurit të shpallen fajtorë dhe të dënohen sipas ligjit për veprën penale e cila iu vihet në barrë.
-
Aktakuzë ndaj një inspektori të punës në Gjakovë
-
Aktakuzë ndaj pesë personave për keqpërdorim të autoritetit zyrtar
-
Aktakuzë kundër personit zyrtar për keqpërdorim të detyrës
-
Ndalohen tre persona të dyshuar për keqpërdorim të detyrës zyrtare
-
Aktakuzë ndaj dy zyrtarëve të “Pallatit të Rinisë” për keqpërdorim të 137 mijë eurove