Prokuroria Themelore në Gjilan ka ngritur aktakuzë ndaj katër personave që dyshohet se kanë blerë vota në Kllokot.
M.K. dhe A.D. akuzohen se më 16 tetor, rreth orës 18:30 në Kllokot, kanë cenuar përcaktimin e lirë të votuesve, duke e shfrytëzuar gjendjen e vështirë ekonomike të votuesit, të pandehurit Xh.B. në këmbim të votave.
“Në këtë mënyrë, të pandehurit M.K. dhe A.D., kanë kryer veprën penale ‘’Cenimi i përcaktimit të lirë të votuesve’’, të KPRK-së”, thuhet nga Prokuroria.
Ndërsa, i pandehuri tjetër A.T., i ka dhënë para në shumë prej 200 € të pandehurit Xh.B., me qëllim që i njëjti të siguronte 10 vota për kandidat për kryetar të komunës së Kllokotit.
“Me këto veprime, i pandehuri A.T., ka kryer veprën penale ‘’Dhënia ose marrja e ryshfetit lidhur me votimin’’, të KPRK-së.
“Gjithashtu edhe i pandehuri Xh.B, akuzohet për veprën penale ‘’Dhënia ose marrja e ryshfetit lidhur me votimin’’, pasi ka pranuar para në vlerë prej 200 €, nga i pandehuri A.T”, thuhet nga Prokuroria.
-
120 euro u ble një votë në zgjedhjet lokale, u ngrihet aktakuzë dy personave
-
Arrestohen katër persona në Kllokot për blerje të votës
-
Policia: Gjatë javëve të fundit pranuam informacione të shumta për ndërhyrje të jashtme në zgjedhje
-
Aktakuzë ndaj katër personave për falsifikim të rezultatit të votimit në Shtime
-
Nuk mbahen në paraburgim 22 të dyshuar për manipulim rezultati