Aksidentohet vetura e Policisë në qendër të qytetit të Lipjanit

Në qendër të qytetit të Lipjanit, përkatësisht në rrugën “Haradin Bajrami” është aksidentuar një veturë e Policisë së Kosovës me një veturë të tipit "golf6".

Rruga është bllokuar për pak minuta derisa kanë arritur ekipet tjera të Policisë. Burime brenda Policisë në Lipjan i kanë thënë KOHES se nuk ka të lënduar, ndërkohë dyshohet se vetura "golf6" , nuk i ka respektuar rregullat gjatë ngasjes së veturës në komunikacion.

"Ekipet janë duke u marrë me rastin, rruga është e lirë dhe nuk ka të lënduar", ka thënë ky burim.