Policia e Kosovës ka bërë të ditur se në orët e para të mëngjesit të së hënës ka pranuar informacione se në një lokal nate në fshatin Gërlic të Ferizajt po punohet në kundërshtim me masat anti-COVID.
Forcat policore së bashku me inspektorët e AUV-it kanë dalë në vendin e ngjarjes dhe lokali ishte i hapur dhe brenda kishte disa persona.
Gjatë kryerjes së detyrave zyrtare, policët dhe inspektorët kanë hasur në rezistencë, duke marrë kërcënime nga një person dhe duke u penguar nga tjerët.
Policia i ka arrestuar pesë persona që kanë penguar në kryerjen e detyrave, ndërsa 15 personave që ishin në lokal u janë shqiptuar gjoba për mosrespektim të orarit të lëvizjes.
H.S. 52-vjeçar i është caktuar masa e ndalimit policor prej 48 orë, ndërsa katër persona tjerë janë liruar në procedurë të rregullt.
“Ky rast iu ka referuar Sektorit Rajonal të Hetimeve për procedura të mëtejme hetimore”, thuhet nga Drejtoria Rajonale e Policisë së Ferizajt.
-
Arrestohen pesë persona pas një përleshje në Ferizaj
-
Gjobiten 98 qytetarë në Ferizaj për mosrespektim të masave antiCovid
-
Policia në Ferizaj shqiptoi 33 gjoba e mbylli një lokal për mosrespektim të masave anti-COVID
-
Përleshje mes gjashtë personave në Ferizaj, i përfshirë edhe një shtetas i huaj
-
Kërkohet suspendimi i policëve që dyshohet se keqtrajtuan një person në Ferizaj