Arrestohet burri i 41-vjeçares Isufi, që u gjet e vdekur në shtëpinë e saj në Zvicër

Ekonomistja 41-vjeçare Shqiponja Isufi dyshohet se ka qenë viktimë e femicidit. Kjo po e trazon diasporën shqiptare

Të dielën në mëngjes, 41-vjeçarja Shqiponja Isufi, ekonomiste e profesoreshë ishte gjetur e vdekur në një shtëpi në Bergdietikon AG pranë kufirit me kantonin e Zuerichut, tregon “Tages Anzeiger”.

Ajo ishte e njohur për diasporën, por edhe në Kosovë.

Nuk dihej më parë se gruaja dyshohej se ishte viktimë e femicidit.

Policia kantonale e Aargaut ka konfirmuar se një palë e tretë ishte e përfshirë. Njerëzit e afërt të të ndjerës kishin alarmuar policinë. Bashkëshorti i Shqiponja Isufit është arrestuar të hënën. Ai është një 47-vjeçar shqiptar i Maqedonisë së Veriut, i natyralizuar më shumë se 20 vjet më parë.

Zyra e Prokurorit të Aargaut ka dërguar një deklaratë.

Edhe Kronikë 11 qer 2024 Po vazhdon gjykimi ndaj shqiptarit që akuzohet për vrasjen e bashkëshortes në Zvicër

Në të thuhet se ka hapur rast për vrasje me paramendim.

Policia mori thirrje urgjente të dielën se gruaja ishte mbyllur në banjë dhe nuk po i përgjigjej thirrjeve të familjarëve. Më pas Policia ka mundur të hapë derën, por ka gjetur të vdekur 41-vjeçaren.

Rrethanat e sakta dhe mënyra e krimit janë ende të paqarta dhe është objekt i hetimit, ka thënë Prokuroria. Ajo ka thënë se për bashkëshortin e arrestuar të Shqiponjas vlen perzumimi i pafajësisë.

Vetëm dy vjet, Isufi tha në Ditën e Biznesit të Lihtenshtajnit: “Prapa çdo gruaje të fortë qëndron një familje e fortë!”

Ajo e lavdëroi bashkëshortin e saj dhe dy djemtë e tyre gjatë mbylljes, kur shkollat ishin të mbyllura, dhe se ajo mund të vazhdonte të punonte. Ajo punonte si audituese me një organizatë Zvicerane. Ishte kontabiliste e certifikuar dhe pedagoge në Universitetin e St. Gallenit.

Shqiponja Isufi kishte shkuar në Zvicër në vitin 1990 si 9-vjeçare.

Prindërit e saj kishin migruar nga Gjilani. Ata konsideroheshin të përndjekur politik. Familja Isufi arriti në Emmen të Luzernit. Ajo e kishte përshkruar Luzernin si shtëpi të saj.

Megjithë sukseset asaj nuk i pëlqente roli i “modeles kosovare”.

Kishte bërë thirrje për zhvillim të Kosovës.

Edhe Kronikë 27 maj 2023 Vritet në Zvicër një kosovare 37-vjeçare, nënë e katër fëmijëve, i dyshuar bashkëshorti i saj

“Perëndimi duhet ta ndihmojë vendim tim të ketë një shans”, kishte thënë ajo në “Sonntags Zeitung” para disa vjetëve.

Bashkëshorti i Shqiponja Isufit ka gjasa të qëndrojë në burg për një kohë. Prokuroria në Baden ka bërë kërkesë për mbajtjen e tij në paraburgim.