Kronikë

12 vjeçari në Fushë Kosovë ishte dhunuar 3 herë nga i njëjti person, KOMF-i kërkon nga Prokuroria zbardhjen e rastit

Koalicioni i OJQ-ve për Mbrojtjen e fëmijëve KOMF ka kërkuar veprime të menjëhershme nga Prokuroria e Shtetit për zbardhjen e rastit të vdekjes së 12 vjeçarit në komunën e Fushë Kosovës.

Drejtoresha e KOMF-it, Donjeta Kelmendi në një konferencë për media ka thënë se sipas Policisë fëmija ka pasur shenja dhune dhe se autopsia tregon se fëmija është dhunuar tre herë nga i njëjti person, raporton Koha Ditore.

“KOMF ka kërkuar të ketë qasje në raportit e autopsisë ndërsa mjekësia ligjore ka thënë se janë në pritje të analizave të tjera dhe pas përfundimit do t’i dërgohet prokurorit të çështjes”, ka thënë Kelmendi.

LEXO EDHE: Arrestohet i dyshuari për dhunim e vrasje të 12 vjeçarit në Fushë Kosovë

Akoma më shqetësuese sipas saj mbetet se nëna ka qenë e informuar nga vet fëmija për rastin në fjalë dhe se e kishte paraqitur rastin në Policinë e Kosovës.