Gjykata Themelore në Prishtinë - Departamenti i Përgjithshëm – Divizioni për Çështje Penale ka vendosur lidhur me kërkesën e Prokurorisë Themelore në Prishtinë për caktimin e masës së arrestit shtëpiak kundër të pandehurit F.A për shkak të veprës penale ‘Ndërprerja e pa lejuar e shtatzënisë’ nga neni 184 par2 të Kodit Penal Republikës së Kosovës.
LEXO EDHE KËTË: Një muaj paraburgim mësuesit për rastin në Drenas
“Gjykata ka marrë aktvendim dhe të pandehurit F.A iu është caktuar masa e arrestit shtëpiak prej datës 07.02.2019 deri me datë 06.03.2019”, thuhet në komunikatë.
Ekziston dyshimi i bazuar se i pandehuri F.A me dt. 15.01.2019 në kundërshtim me Ligjin 03/L-10 për ndërprerjen e shtatzënisë, në ordinancën e tij private specialisktike-gjinekologjike ka bërë ndërprerjen e shtatzënisë ndaj të dëmtuarës A.G.
“Gjykata ka konstatuar se kërkesa për caktimin e arrestit shtëpiak është bërë duke pasur parasysh peshën e veprës penale, pasi që i pandehuri po të gjendet në liri, ekziston rreziku se i njëjti do të ndikojë tek dëshmitarët apo të arratiset me qëllim që ti shmanget përgjegjësisë penale. Pala ka të drejtë ankese kundër këtij vendimi në Gjykatën e Apelit të Kosovës”, përfundon njoftimi.
-
Arrest shtëpiak gjinekologut që dyshohet se kreu abortin e një të miture
-
Dhunimi i të miturës në Drenas - mësuesit 1 muaj paraburgim e mjekut arrest shtëpiak
-
Avokatët e mjekut dhe arsimtarit në Drenas deklarojnë të pafajshëm klientët e tyre
-
Arrestohet gjinekologu që ia ndërpreu shtatzënësinë vajzës nga Drenasi
-
Arrest shtëpiak gjinekologut në Gjilan për “trajtim të pandërgjegjshëm mjekësor”