Vetura, në të cilën gjendeshin 4 viktimat e aksidentit që ndodhi javë më parë në magjistralen Prishtinë-Gjilan, rezulton të jetë fajtore në bazë të ekspertizës.

Avokati Afrim Salihu ka bërë publike për KTV-në se çfarë kanë konstatuar ekspertët e komunikacionit me kërkesë të Prokurorit të çështjes Blerim Ignishta, raporton KTV.

Por, këtë ekspertizë po e kundërshtojnë familjarët e viktimave, të cilët do të parashtrojnë ankesë.

Të indinjuar nga institucionet e vendit, ata thonë se edhe nuk iu lejua hyrja në QKUK për t’i parë familjarët e tyre, tashmë viktima.

Viktimat e aksidentit ishin Agron Shala, 25-vjeçar, Osman Shala, 65-vjeçar dhe Arife Shala, 88-vjeçare nga fshati Ponesh dhe Elfete Rashiti 65-vjecare nga Gjilani.

Në aksidentin, i cili ndodhi në magjistralen Prishtinë-Gjilan, ishte e përfshirë edhe ambasadorja turke, Kivilcim Kilic.