Policia e Kosovën është në kërkim të një personi të dyshuar për kanosje dhe armëmbajtje pa leje.
Të mërkurën, policia në Shtërpcë është informuar për një rast kanosje. Policët kanë shkuar në shtëpinë e të dyshuarit i cili kishte kanosur bashkëshorten e tij.
Në shtëpi i kanë gjetur edhe armë.
“Policët e rendit dhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj kanë shkuar në shtëpinë e të dyshuarit S.D (M/K) i moshës 48 vjeçar, i cili shkak i një mosmarrëveshje kishte kanosur bashkëshorten e tij, ndërsa gjatë bastisjes në shtëpinë e tij janë gjetur e më pas janë konfiskuar: një pushkë e gjuetisë, një thikë, një rrethatore dhe sasi e municionit”, njoftoi PK-ja.
© KOHA. Të gjitha të drejtat janë të rezervuara.
